What is Psychology? & uses of Psychology (in Telugu) సైకాలజీ అంటే ఏమిటి?

ఈ ప్రపంచంలో ఎంత గొప్పవారినైనా అన్నిటికంటే కష్టమైన పని ఏంటని అడిగితే... ఎదుటివారి మనసుని, ఆలోచనలని అర్థం చేసుకోవడం అని అంటారు.
సాధారణంగా తల్లిదండ్రులకి పిల్లలనూ, టీచర్లకి విద్యార్థులనూ, వ్యాపారస్తులకి కస్టమర్లనూ అర్థం చేసుకోవడం కష్టంగా ఉంటుంది.

అయితే.. సైన్స్ లో మనసు, ఆలోచనలు ఇంకా భావోద్వేగాలు ఎలా పనిచేస్తాయో చెప్పే ఒక ప్రత్యేకమైన సబ్జెక్ట్ ఉంది. అదే సైకాలజీ (PSYCHOLOGY).

సైకాలజీ సబ్జెక్ట్ గురించిన విషయాలను, దీని ఉపయోగాలను ఇప్పుడు తెలుసుకుందాం..


సైకాలజీ పూర్తిగా మానవ మెదడు, ఇంకా దాని పనితీరుకు సంబంధించినది.

వ్యక్తుల యొక్క ఆలోచనా విధానం, ఇంకా వారి ప్రవర్తన గురించి అధ్యయనం చేస్తే, దాన్నే సైకాలజీ (PSYCHOLOGY) అని అంటారు.

అంటే, ఒక వ్యక్తి ఒంటరిగా ఉన్నప్పుడు ఏవిధంగా ప్రవర్తిస్తాడు, మనుషుల మధ్య ఉన్నప్పుడు ఏవిధంగా ప్రవర్తిస్తాడు అనే విషయాలను సైకాలజీలో ప్రధానంగా చర్చిస్తారు.

దీనితోపాటు ఒక వ్యక్తి యొక్క భావోద్వేగాలను, వాటికి గల కారణాలను, మానసిక పరిస్థితిని, వ్యక్తిత్వాన్ని కూడా సైకాలజీలో అధ్యయనం చేస్తారు.

ఒకరి శారీరక ఆరోగ్యం వారి యొక్క మానసిక పరిస్థితులపై ఏవిధంగా ఆధారపడి ఉంటుంది అనే విషయాన్ని సైకాలజీ ద్వారా మనం తెలుసుకోవచ్చు.

మనుషులు బాధల నుండీ కోలుకొని, మానసిక ప్రశాంతతను ఎలా పొందాలి అనే ప్రశ్నకు సమాధానాలను సైకాలజీ ద్వారా అన్వేషించవచ్చు.

డిప్రెషన్ ఇంకా మానసిక సమస్యలను పరిష్కరించడంలో వైద్యులకు సైకాలజీ ఎంతగానో ఉపయోగపడుతుంది.

సైకాలజీ (PSYCHOLOGY) అన్న పదం గ్రీక్ భాష నుండీ తీసుకోబడింది. సైకే (PSYCHE) అంటే 'అంతరాత్మ' అని అర్థం. లాజియా (LOGIA) అంటే 'శాస్త్రం' అని అర్థం.

సైకాలజీపై పట్టు సాధించినవారిని సైకాలజిస్ట్ అని అంటారు.

సైకియాట్రీ (PSYCHIATRY), హిప్నాటిజం (HYPNOTISM), మైండ్ రీడింగ్ (MIND-READING) వంటి ఆసక్తికర విషయాలు కూడా సైకాలజీలోని భాగాలే..

ఇది ముఖ్యంగా పిల్లల ప్రవర్తనను అర్థం చేసుకోవడంలోనూ, స్కూళ్ళలో సరైన బోధనా పద్ధతులను అనుసరించడంలోనూ, వైద్య రంగంలో కూడా ఉపయోగపడుతుంది.

వ్యాపారరంగంలో వినియోగదారుల అభిప్రాయాలను సేకరించడంలో కూడా, సైకాలజీ కీలక పాత్ర పోషిస్తుంది.

కస్టమర్లకు నచ్చే వస్తువులు ఇంకా సేవలను అందించడంలో వ్యాపారసంస్థలకు సైకాలజీ ఉపయోగపడుతుంది.

హార్రర్, థ్రిల్లర్ వంటి జానర్లలో వచ్చే సినిమాలను కూడా, భావోద్వేగాలను రాబట్టే విధంగా వీక్షకుల సైకాలజీ ఆధారంగా రూపొందిస్తారు.

సైకాలజీలో CHILD DEVELOPMENT, COGNITIVE PSYCHOLOGY, SOCIAL PSYCHOLOGY, CLINICAL PSYCHOLOGY... ఇలా ఎన్నో విభాగాలు ఉన్నాయి.

సైకాలజీ చదవడం ద్వారా ఇతరుల గురించి తెలుసుకోవడమే కాదు, మన సొంత వ్యక్తిత్వాన్ని కూడా మెరుగుపరుచుకునే అవకాశం ఉంటుంది.

ఆసక్తి ఉంటే సైకాలజీ ఎవరైనా, ఏ వయసువరైనా చదువుకోవచ్చు.. దీనికి సంబంధించిన ఎన్నో ప్రఖ్యాతి గడించిన పుస్తకాలు మనకి అందుబాటులో ఉన్నాయి.

THINKING FAST AND SLOW, THE POWER OF HABIT, HOW TO WIN FRIENDS AND INFLUENCE PEOPLE మొదలైనవాటితో మీరూ సైకాలజీ చదవడం మొదలుపెట్టొచ్చు.

Popular posts from this blog

What are Hormones? (in Telugu) హార్మోన్స్ అంటే ఏమిటి?

Image
మానవ శరీరం వివిధ రసాయనాలు, లేదా CHEMICALS తో తయారైన ఒక వ్యవస్థ.. ప్రపంచంలో సుమారు 800 కోట్ల మంది ప్రజలు జీవిస్తున్నపప్టికీ ఏ ఇద్దరి శరీరాలు, ఆరోగ్యం ఒకే రకంగా ఉండవు.. ఒక మనిషి యొక్క రూపూ, బరువూ, ఆరోగ్యం దేనిమీద ఆధారపడి ఉంటాయి? స్త్రీ పురుషుల యొక్క శారీరక పెరుగుదల ఎందుకు విభిన్నంగా జరుగుతుంది? వీటిని అర్థం చేసుకోవాలంటే మానవ శరీరంలో ఉత్పత్తి అయ్యే హార్మోన్స్ అనే వాటి గురించి తెలుసుకోవాలి.. హార్మోన్స్ అంటే ఏంటి? శరీరంలో అవి ఏవిధంగా పనిచేస్తాయి అన్న విషయాలు ఈ వీడియోలో తెలుసుకుందాం... మానవ శరీరం జీవించడానికి గాలి, నీరు, ఆహారం వంటివి తీసుకొని, వాటి ద్వారా శక్తిని గ్రహిస్తుంది. అదే విధంగా ఆరోగ్యంగా ఉండడానికి నిద్ర, శారీరక శ్రమ, మానసిక ఆనందం అనే వాటిని కూడా పొందుతుంది. ఈ మొత్తం ప్రక్రియను జీవక్రియ లేదా METABOLISM అని అంటారు. జీవక్రియ ను నియంత్రించడానికి శరీరంలోని అవయవాలు హార్మోన్స్ అనే జీవ రసాయనాలను ఉత్పత్తి చేస్తాయి. హార్మోన్స్ శరీరావయవాలలో ఉండే వివిధ గ్రంధుల ద్వారా విడుదల అవుతూ ఉంటాయి. శరీర పెరుగుదలకు, అవయవాల అభివృద్ధికి, సంతానోత్పత్తికి హార్మోన్స్ ఎంతో అవసరం. శరీరంలో జరిగే ఒక్కో చర్యను ఒక్క...
Learn more »

What is Positive Thinking? (in Telugu) పాజిటివ్ థింకింగ్ అంటే ఏమిటి?

Image
ఇంటర్నెట్‌లో సాధారణంగా అడిగే ఒక ప్రశ్న, "పాజిటివ్ థింకింగ్ అంటే ఏంటి?" లేదా "పాజిటివ్‌గా ఎలా ఆలోచించాలి?". మనం ఆలోచించే విధానమే మన జీవితంలో ప్రతిదాన్ని నిర్ణయిస్తుందని అధ్యయనాలు చెబుతున్నాయి. ఉదాహరణకు, తరచూ చిరాకు పడే ఒక వ్యక్తి, తాను నిరుత్సాహంగా ఉండడమే కాక, చుట్టూ ఉన్న వ్యక్తులను కూడా నిరుత్సాహపరుస్తాడు. అదే విధంగా, ఎప్పుడూ హుషారుగా పనిచేసే ఒక వ్యక్తి, తన చుట్టూ ఉన్న ప్రతి ఒక్కరినీ ఉత్సాహపరుస్తాడు. ఒకరి ఆలోచనలు ఏ విధంగా ఉంటే, వారి ఆరోగ్యం కూడా అదే విధంగా ఉంటుంది. భావోద్వేగాలను, ఒత్తిడిని అధిగమించి శాంతంగా జీవించడానికి సహాయపడే ఆలోచనా విధానాన్నే పాజిటివ్ థింకింగ్ అని అంటారు. పాజిటివ్ థింకింగ్ మనల్ని మానసికంగా బలంగా చేస్తుంది. ఇబ్బందులను ఉత్సాహంతో ఎదుర్కోవడంలో మనకు సహాయపడుతుంది. ఇంతకీ పాజిటివ్ గా ఆలోచించడం ఎలా? .... ఒకవేళ మిమ్మల్ని ఎవరో ఒక వ్యక్తో, ఏదో ఒక విషయమో బాధపెడుతుంటే, దాని నుండీ మీ దృష్టి మరాల్చుకోవడానికి ప్రయత్నించండి.. బాధ పడటం వల్ల, మీరు మీ పని సక్రమంగా చేయలేరని గుర్తుపెట్టుకోండి.. అనవసరమైన ఆలోచనల వల్ల, మీ సంతోషానికి మీరు దూరమవుతారు.. కాస్త విశ్రాంతి తీసుక...
Learn more »

What is Habeas Corpus? (in Telugu) హెబియస్ కార్పస్ అంటే ఏమిటి?

Image
ఒక వ్యక్తి చట్టపరమైన నేరం చేస్తే అరెస్టు కాబడడం సహజం... అయితే, ఒకవేళ ఎలాంటి నేరం చేయకపోయినా అరెస్ట్ అయితే ఏం జరుగుతుంది? పోలీసులకు తలచుకుంటే ఎవరినైనా అరెస్టు చేయగలిగే అధికారం ఉంటుందా? ఒకవేళ మనం కూడా ఎప్పుడైనా అన్యాయంగా అరెస్ట్ అయితే ఏవిధంగా న్యాయం పొందాలి? మన భారత రాజ్యాంగంలో పొందుపరచిన 22వ ఆర్టికల్ ఏం చెబుతుంది, ఇంకా 'హెబియస్ కార్పస్' (HABEAS CORPUS) అనే విధానం గురించి ఇప్పుడు తెలుసుకుందాం.. మన భారతదేశ రాజ్యాంగంలోని 21వ ఆర్టికల్ అనుసారం, ప్రతి వ్యక్తికీ సమాజంలో స్వేచ్ఛగా జీవించే హక్కు ఉంది. ఇష్టానుసారంగా ప్రజల స్వేచ్చను హరించగలిగే అధికారం లేదా నిర్బంధించే హక్కు ఏ సంస్థలకూ, అధికారులకూ లేదు. 21వ ఆర్టికల్ కు బలం చేకూరే విధంగా 22వ ఆర్టికల్ ఇంకా 'హెబియస్ కార్పస్' అనే విధానాన్ని రాజ్యాంగంలోని 226వ ఆర్టికల్ లో చేర్చారు.. పోలీసులు గానీ వేరే ఇతర అధికారులు గానీ, ఒకరిని ఏ కారణం వల్లైనా అరెస్ట్ చేయాల్సి వస్తే, అలా చేసిన వెంటనే లేదా 24 గంటలలోపు సదరు వ్యక్తిని న్యాయస్థానం ఎదుట నిలబెట్టవలసి ఉంటుంది. దీనివల్ల ఒక వ్యక్తి చట్టపరంగానే అరెస్టు కాబడ్డాడా, లేక అన్యాయంగా అతన్ని అరెస్టు చేశార...
Learn more »